1- اللانجري ( المشخلع ) :s4:

كثير يغضون النظر عنها ويشترون شي مستر , كت وقصير .. والقماش ساتان وقطن فقط ..

يمكن بـ البدآيآت لانو تستحين بس بعدين خلاص عاتي

لكن الاغلب من البنات يحاول يخفي العيوب اللي بجسمه والدليل قضية ( طف النور )

<< صارو يقولون نكت علينا بسببها

حاولوا تبعدونها نهائي .. يعني لو كل شي ظلام ظلام زين متى ان شاء الله بتثقين بجسمك ..

بعد كم طفل؟

أحيانا الرجل ما ينتبه لأشياء والبنت هي الي تنبهه لها بطريقة غير مباشره ..

لما تكونين بنت واثقه ومافرقت معك هذا الشي يخليه يسكت .. وما ينتبه أصلا وما يدقق..

لكن لما تكونين خايفه وطف النور أنتي توجهين رساله مفادها أنا فيني أشياء

غير محببه لا تشوفها .

فعشان كذا أشترو من جميع أنواع الأقمشه والموديلات وثقي بنفسك وجسمك

وتذكري انو الرجال اذا حبيتي شكلك هو بيحبه .. بإذن الله ..

2-
لا تسولفين له عن مشاكلك مع جسمك أيا أيا كانت الميانه ..

ماتقولين تصدق فيني التهابات

أمس ذابحني السهال . . يييييييخ عليك

خواطرك مع نفسك الي تنقال في المرايه أبدا ما تتكلمين فيها ..

حبي شكلك..وان تزاعلتي مع شكلك خليه بينك وبينه < اقصد شكلك.


3-
بنات كثير تهتم بنفسها بس أول الزواج .. وبعد فتره ولو كانت قصيره .. شهرين ثلاث ..

تبدأ تهمل خلينا نقول بس بالملابس ..

مثلا .. بعد ماكانت تغير يوميا مره والا مرتين صارت تلبس البيجاما بالليل وتنام فيها

وتقوم وتطبخ فيها .. وتجلس العصر.. واذا ربي رحمها بطلعه غيرت ..واذا لا تقعد فيها

لا ياماما أوكي طفشي .. زهقتي .. مووووب حلا كل شوي تلبسين ..

هي أعذار غير مقبوله .. خليك متجدده .. الي تنامين فيه تغيرينه لما تصحين ...

بعد الطبخ تتحممين وتلبسين .. وبالليل قبل النوم لبس مخصص له ..


4-
وقت الدوره .. وماادراك ماوقت الدوره

معروفه كيف النفسيه تكون . . نفسك تنسدحين ومحد يكلمك. ..:sm18:

طبعا المفروض الزوج يتفهم نفسية البنت قبل وأثناء الدوره كيف تكون

لكن هذا ما يمنع ان يكون شكلك مرتب ونظيفه كل الوقت ..

أول يومين إنتي معذوره .. وتجنبي النقاشات في هذي اليومين ..

أكثر حالات الطلاق اكتشفوا فيها رابط واحد .. ان الحريم بوقتها يكونون فيهم الدوره << ماامزح

هذي دراسه حديثه بالمملكه .. .. لذلك .. جدا عادي لو قلتي له ما أقدر أتكلم معك هاليومين

أو معليش أنا تعبانه شوي نأجل أي حوار لوقت ثاني ..

حافظي على نفسك مع الحفاظ على صحتك خلال هاليومين..

يعني تدفي + ولا تمشين حافيه + لا تشربين بارد ..الخ

وبنفس الوقت انتي نظيفه .. لابسه لبس مغري

هنا الحكمه .. هنا اللعبه .. هنا الإبداع <<< لبا الابداع بس :sm3:

وهذا وقت اللبس المغري أصلا .. وإنتي هنا توجهين رساله شوف بس لا تقرب

وتكونين انسانه مشوقه .. وهو متلهف عليك وعارف قدرك


5-
هالنقطه مشتقه من النظافه برضوو .. فيه دراسه عملت قبل 3 سنين أتوقع ..

عن وش الأشياء الي تنفر الزوج من زوجته .. 3

أشياء أجمعوا عليها كل الرجال .. ونقطه واحده ذكروها الأغلبيه ..

وصراحه هالدراسه أمر مؤسف يعني ان المتزوجه تهملهم .. ..إهمال نظافة الفم ..

إهمال نظافة الأندر آرمز .. والـمنطقه الحساسه .. .. والنقطه الي ذكروها الأغلبيه .. هي البواطن ..

" تحت الصدر , خلف الركب , والمنطقه الي باليد ما أعرف وش إسمها .." الي نطعم فيها .

6-
علاقتك الخاصه بزوجك .. ولا خبر ضغنون يطلع منها

حتى مع أمك .. حتى بجلسة بنات ..

حتى بالمنتديات النسائيه من عالم حوا وغيره شرعا ما يجوز ..

بعض البنآت يحبون هـ السوالف ويجتمعون عن صديقتهم المتزوجه وياخذون التفاصيل

احذري من هـ الشي وتكلمي بشكل عام عن الاشياء الجنسيه لو دخلتي في نقاشات


7- قدري حالة زوجك الماديه والنفسيه

اولا لا تصيرين طيبه لـ حد العبط و واضحه بكل شي ( بعض الرجال يعشقون الغموض )

خليه هو يكتشف فيك اشياء حلوه بدون ماتكشفينها انتي :s4:

بعض البنات الله يهديهم طيبه لـ درجه اغراض البيت والبيبي واغراض لها ماتطلبها منه

تطلب من اهلها . .

حتى لو اهلك عندهم خير حاولي تطلبينه وتحسسينه انه مسؤول ولازم يتحمل مسؤوليته

بس لا تثقلين يعني راعي راتبه لو كان 8 او 10 لا تطلبين فستان بـ 9 او مافوق . .

سالفه انا متعوده عند هلي اسوي كذآ واشتري كذآ خليها على جنب

قبل مايخطبك اتوقع عارفه مرتبه و وضعه الاجتماعي واظن فكرتي اذا يقدر يغطي

احتياجاتك الطبيعيه

يعني بطلي من هـ السالفه بعد الزواج واعرفي انو هذآ اختيارك ولازم تتحملين

8-
اهله ثم اهله ثم اهله << عقدة نص الناس

اذا كنتي عايشه معهم

اعرفي انه اذا كان الولد الاول او الاخير بتتعقدين شوي

اهم شي تحسنين الظن فيهم يعني لاتتوقعين انو كل حركه يسوونها يقصدون شي فيها

ثقي بتصرفاتك وبنفسك ولاتخلين احد يشكك في هـ الشي عشان مايلقون

مداخل يعذربون فيك قدام زوجك . .

حبي عمتك اللي هي امه

اولا من باب التربيه مو حلوه بحق تربية اهلك فيك انك تتليعنين على المره

ثانيا شرعا حرام هذي اكبر منك وبـ مقام امك يعني احشميها واحترميها

ثالثا لا تعقدين مقارنات مع زوجات اخوانه تنافسي معهم بشكل شريف << ارحمينا يا نانسي

وحاولي تكسبين قلب وميمته لانو الرجل يبحث عن الراحه النفسيه ويحب يدخل البيت وهو مرتاح

اما اذا مو عايشه معهم فـ خير وبركه

بس لا تقطعينهم اسألي عنهم من وقت لـ وقت زوريهم اعزميهم بدون مناسبه

يعني خلي علاقتك معهم حلوه ورسميه ومبنيه على احترام وتقدير اذا مافي حب وموده

وبالتوفيق جميعاً

برب