عَليك يَاللي كِل مَاقلت لابَاس
لا بَاس عذبني عسى الله يثبتك

اجرح وصبّ الجرح من كاس في كاس
ومدّه بيدّك مِن غلاي ومروتك

والجَرح طَعمه طعم وقياسه قياس
وجروح قلبي والاحاسيس لبتك

والحب لو ماهو من الناس للناس
ماكان جت جوف المحاني محبتك

ماطحت من عيني وانا رافع الراس
يوم الليالي في المعاليق شبتك

انت الذهب واللول وياقوت والماس
وانفاس قلبي من غلا ماتعدتك

حبي مطر يمطر على قلبك احساس
والقلب شعبك والمشاعر حموتك

وحبك هلاك وكل الاشواق حراس
وبعدك هلاك وبدعي الله ينبتك

تعال بعثرني معَ دق الاجراس
وتعال لملمني على انغام سكتك

تقطعت عن شوفة البعد الارماس
وتوجّعت من غيبتك روح ودّتك

دعيت ربي ماترى عينك البَاس
وانّه بجوف ضلوع صدري ينبتك

يضيق صدري من غيابك والانفاس
جعلي اموت قبل ربي يموتك

.
.