مهم جدا جدا جدا جدا للبنات فقط

--------------------------------------------------------------------------------


مهم جدا جدا جدا جدا للبنات فقط

الشباب أوت رجاء خاص منعا للأحراج لا تكمل اذا كنت ولد

مرحبا بنات
كم وحده منكم اتقول حق اخوها ايوديها السوق وما ايطيع ايوديها
هاذي فرصتكم يابنات .......... اتبعوا الشروط واشكروني
ياويلي من الشباب صدق بيجني ضرب منهم
المهم

اذا طلبتي من اخوك انه يوديك السوق ورفض لانه بيطلع مع ربعه ....لا تزعلين وقولي له جزاك الله خير ...روحي غرفتك والهي نفسك باي شي ( الموضوع مارح يعدي بالساهل ... اليك الانتقام ....اختاري اي وسيله للانتقام من الوسائل الاتية

روحي لمزيل العرق حق اخوك قبل مايسبح وافتحي الغطا وحطي فيه استون مزيل المناكير وعصير ليمون .....رجعيه مكانه
ياويله اذا قدر ينزل يده ويمشي طبيعي

انتبهوا شباب قبل ما اتحطونة ههههههه

روحي للنعال ( الله يكرمكم ) اللي يكشخبها اخوك كلي لبان علبه كامله طلعيها من فمك وحطيها في النعال من تحت ومن داخل....(قرف على اصوله(



خذي المشط وغطسيها في الحنا او في موية مخلوطه ببيضه نيه

لا تخلين المشط مبلل ...لا خليه جاف بس ..اخوك طبعا بيطلع من الحمام ( اعزكم الله ( ويمشط شعره وهو مبلول كالعاده
شوفي الريحه اللي بتطلع
كمحاوله للمساعده لاظهار حسن النيه اعرضي عليه انك تستشورين له شعره
سدي خشمك الله ايعينكم هههههههههههههههههههههههههههههههههههههه



خذي مفتاح
سيارته وخشيه
واذا سال عنه قولي له انك شفتيه مع اصغر طفل في العائلة وياريت يكون عمره سنه او سنه ونصف

طبعا مايقدر يزعل منه ولا يضربه على العكس بيتحايل عليه ويحاول يوصله له المعلومه باي طريقه
وانتي اضحكي عليه بس لا يشوفك
قومي دوري المفتاح معاه لاتفرحين بانتصارك قدامه مو وقته

في النهايه بيتصل لربعه علشان يمرون عليه


هنا اساليه اذا محتاج فلوس ( ايه لا تبخلين عليه ولاتقولين لي ماعندك جيب السبع ما يخلى وفي النهايه كله لصالحك(
اعرضي عليه من 100 الى 300 في الغالب هو رح يرفض ماله وجه ماوداك السوق وكمان ياخذ منك فلوس


قبل ما يطلع من البيت خذي مفتاح غرفته بعد ما يقفلها حاولي تحصلين على المفتاح ضروري
اذا رجع من السهر ه طبعا يبا يرقد
بيدور على المفتاح في الميداليه مابيلقاه اكيد بيتوقع انه ناسنه او مضيعنه برا
طبعا ماله مكان ينام فيه الا الكرسي

بشوفك وعيه وقولي له ارقد في غرفتي انا مافني نوم ؟؟؟

قمه في الكرم والاخلاق

هنا صدق كسرتي خاطره وضميره اكيد بيصحى ممكن مايبين لك لكن ثاني يوم بييك على طول وبيقول لك أي سوق تبين اوديك



اما اذا كان مايبي ايوديك علشان يبا يرقد اليك الحلول

أي حلول

روحي لكيبل الكهرباء طفي عن البيت كله واركضي عنده وقوليله في ريحه التماس وانا طفي الكهرباء
هنا ممكن يكمل نومه في الحر ( عادي المهم انه آخر شي يطفش)
او يروح يجيب كهربائي وياريت يكون هندي طبعا اي نوم اللي رح ييه بعد القعده مع هندي اول مايخلص الحقيه بكوب نسكافيه او قهوه تركيه ماراح يعترض خليه وروحي عنه بيجيك على طول وعيونه اربع اربع ويقولك اي سوق تبين تروحين له طبعا راح النوم الحين



جبي اليعال اللي في البيت وخليهم يلعبون عند غرفته واعطيهم العاب مو أي الالعاب اللي لها صوت وروحي قعدي عند التلفزيون وطولي على الصوت علشان تسمع وياريت يكون البرنامج مضارب الباديه او مصارعه عشان الصوت بيكون اعلى جدا



اذا كان مايبي يوديك عشان يشوف مباره او اي شي

اطلعي السطح وخذي روحي لدش وفكي المسمار اللي ايثبته وحركي الصحن وخلي الشغاله تنظف تحته وانتي اشردي

طبعا اذا طلع اخوك بيشوف الشغاله عند الدش
انتي مالك دخل بس وده يكفخ هذي المسكينه اللي مالها شغل




تحذير هام

مهما بلغت درجه الصفاء بينك وبين اخوك في يوم من الايام لا تبلغينه بخططك مهما صار

ياوييييلي من الشبااااااااااب

معليش ياشباب
بلييييز

أختكم:
القلب الكبير