أول أقـول المـوت فينـي ولافيـك

واليوم جعل الموت ياخـذ حياتـك

دامك تبيع انسان بالكـون شاريـك

موتك ولاتوهـم لغيـري صفاتـك

فيني مشاعر كل ماانسـاك تطريـك

تلعن وفاهـا يـوم لاقـت رداتـك

وقف دقايق واذكر اللـي يواسيـك

جفف دموعك قبل تاصـل شفاتـك

تذكر تجيني تبكي الظلـم وابكيـك

واشيل جرحك "اجبرتنـي غلاتـك"

وإن غبت عني كـل مابـي يناديـك

حطمت حلمي ورحت ألبي امنياتـك

ادري الجمال وسود الأهداب كاسيك

لكن حسافه .. عكس وصفك خفاتك

ياما رجيتك ودمع عينـي يحاكيـك

طاوعت نفسك وكلمتي اليوم جاتك

مابيـك انـا بدنيـاي والله مابيـك

رح ياعساك بجرح ينـزف شقاتـك

واول أقول المـوت فينـي ولافيـك

واليوم فرحي " ينولـد فـي وفاتـك


قصيده أعجبتني وحبيت أنقلها لكم في هذا الصرح الشامخ