أتعبني الحلم لين الوآقع أنكرني ,,,, كنـي مسكت الفرج بيدي وهديته


مافيه دآعي على فرقـاك تجبرني ,,,, حتى الجفاء منك ولعني وحبيته


خذني على صدرك الدآفي وسيرني ,,,, بعض الولع يـأخذ الرجال من بيـته


أبنشغل في عيونك لاتـدورني ,,,, ودي بشي ( ن ) أشوفه مابعد جيته


خليت قلبي معك والله يصبرني ,,, مبطي وانا أقول قلبي ويـن خليته


نسيت أعلمك طيفك جاء يسهرني ,,, بس آنت ماشفتـني وشلون ضميته


أشتقتلك مابغيتك عآد تشكرني ,,,, تغيـب والشوق مـآعمري تـباطيـته


مـأخذ على خآطري والبعد قآهرني ,,, مدري شسوي وانا كل شي سويته


العآم يوم الوعد تصدق وتـنـطرني ,,,, مستغرب وشلون هالموعد تـناسيـته


ويـن آنت رآيـح ولا كنك معبرني ,,,, مـاكني اللي على العالم تمنيتـه