يا ساعة الفرحـه تشوقـت للعيـد
عيد العيون وعيـد قلـب الصبابـه
رد الجمال لشوفتي يا اتلـع الجيـد
واسحب على حرفي لحون الربابـه
حرفي بصوتك يا اجمل الصوت تغريد
يا رمز حبي هـاك رمـز الكتابـه
يا صبح عمر فيـك للعمـر تجديـد
وحبـك يجـدد كـل يـوم شبابـه
للعين والقمـرا وحسنـك مواعيـد
وليل الهوى شرع للأحبـاب بابـه
ياما زعجت الصوت باسمك تراديـد
وياما نسيم الوجـد يمـك سرابـه
وياما تمنيتـك علـى باقـي الغيـد
واقول مثلك يا غلا الروح مـا بـه
ابيك تهوى مثل ما اهـواك وتزيـد
يا من خفوق القلب حسنك غدا بـه
يا قطرة الغيمه على يابـس البيـد
رد الحيـاة لخافقـي يـا ذهـابـه




خالد الفيصل